Samut Prakan តែងតាំង​គ្រូជប៉ុន ធ្លាប់ដឹកនាំក្រុមប៉ះ Real ជាគ្រូបង្វឹក​

1076

ក្រុមលីគកំពូលថៃ Samut Prakan City បានតែងតាំងលោក Masatada Ishii អតីតគ្រូបង្វឹកក្រុម Kashima Antlers ធ្វើជាគ្រូបង្វឹកថ្មីដឹកនាំរដូវកាលក្រោយ។

គ្រូបង្វឹក​វ័យ​ ៥២ ឆ្នាំរូបនេះ ធ្លាប់ដឹកនាំក្រុម Kashima Antlers ឈ្នះជើងឯក​លីគកំពូលជប៉ុន J1.League ក្នុងឆ្នាំ ២០១៥ ហើយគុណសម្បត្តិដ៏ធំរបស់លោកគឺបានជួយ Kashima ក្លាយជាក្រុមអាស៊ីដំបូងគេដែលឈានដល់វគ្គផ្តាច់ព្រ័ត្រ FIFA Club World Cup ២០១៦ ដែលគ្រានោះពួកគេបានចាញ់ក្រុមយក្សអេស្ប៉ាញ Real Madrid ៤-២ ក្នុងម៉ោងបន្ថែម។

គ្រូបង្វឹកជនជាតិជប៉ុនរូបនេះត្រូវបាន Kashima បញ្ចប់តំណែងកាលពីខែឧសភាឆ្នាំ ២០១៧ ហើយធ្វើដំណើរមកកាន់ប្រទេសថៃដើម្បីដឹកនាំក្រុម Samut Prakan ដែលបញ្ចប់ក្នុងចំណាត់ថ្នាក់ទី ៦ នៃតារាង​លីគកំពូលថៃរដូវកាលមុន។