Guangzhou Evergrande​ ទម្លាក់​ក្រុម​ការពារ​ជើងឯក Kashima Antlers ឡើង​វគ្គ ៤​ក្រុម ACL

318

​ក្រុមបាល់ទាត់​ចិន Guangzhou Evergrande ​បាន​បន្ត​ដំណើរ​ឡើង​វគ្គ​ពាក់កណ្ដាល​ផ្ដាច់ព្រ័ត្រ ​នៃ​ក្រប​ខណ្ឌ​ក្លិប​កំពូល​អាស៊ី AFC Champions League ក្រោយ​ទម្លាក់​ក្រុម​ការពារ​តំណែង​ជើងឯក​ជប៉ុន Kashima Antlers​

​​មួយ​គ្រាប់​របស់ Anderson Talisca​ គ្រប់គ្រាន់​ល្មម​សំរាប់​ក្រុម​របស់​លោក Fabio Cannavaro​ ឡើង​វគ្គ​បន្ត​ បន្ទាប់ពី​ស្មើ​នៅ​ទឹកដី​ខ្លួនឯង​កាលពី​ជើង​ទី​១ ០០​។​ ​Talisca រក​បាន​គ្រាប់​នាំមុខ​នៅ​នាទី​ទី​៤០ ឲ្យ​ Guangzhou Evergrande ​មុន​ពេល​ដែល​ក្រុម​ម្ចាស់ផ្ទះ Kashima Antlers តាម​ស្មើ​វិញ​នៅ​នាទី​ទី​៥១ ក្នុង​វគ្គ​ទី​២ ដោយ Leo Silva​។​ ​ក្រុម​ម្ចាស់ផ្ទះ​មិន​មាន​សំណាង​ឡើង​ក្នុង​ការ​ប្រកួត​នេះ បន្ទាប់ពី​តាម​ស្មើ​ហើយ Serginho ​ក៏​មាន​ឱកាស​ស៊ុត​មួយ​ជើង​យ៉ាង​ល្អ​ តែ​រារាំង​ដោយ​របា​ទី មុន​ពេល​ដែល Leo Silva ស៊ុត​តែ​រារាំង​ដោយ​ខ្សែ​ការពារ Guangzhou​

​​ចប់​ការប្រកួត ១១ នៅ​ទឹកដី​ជប៉ុន​ធ្វើ​អោយ Guangzhou Evergrande​ ឡើង​វគ្គ​ពាក់កណ្ដាល​ផ្ដាច់ព្រ័ត្រ​ ដោយ​រូបមន្ត​គ្រាប់​ក្រៅ​ដី (Away Goal)​។​ ​ដូច្នេះ Guangzhou Evergrande ​នឹង​ឡើង​ជួប​ក្រុម​ជប៉ុន​មួយ​ទៀត Urawa Reds ដើម្បី​កៅអី​នៅ​វគ្គ​ផ្ដាច់ព្រ័ត្រ​៕