ស៊ុត ១ គ្រាប់យប់មិញ Haaland ជាប់ក្នុងកំណត់ត្រាជាមួយកីឡាករ ២រូបទៀត

311

ក្រោយរួមចំណែករកបាន ១គ្រាប់ក្នុងជ័យជម្នះ ៤-១ លើ Genk កាលពីយប់មិញ ខ្សែប្រយុទ្ធឆ្នើម Erling Haaland របស់ Salzburg បានជាប់ក្នុងកំណត់ត្រាជាកីឡាករទី ៣ បន្ទាប់ពី Alessandro Del Piero និង Diego Costa ដែលអាចរកគ្រាប់បាល់បាន ក្នុង ៥ប្រកួតជាប់គ្នានៅ Champions League។

Image result for genk 1-4 salzburg
Erling Haaland

Erling Haaland នៅតែបង្កព្យុះភ្លៀងក្នុងពានអឺរ៉ុប ដោយអាចរកបាន១គ្រាប់នៅនាទី ៨៧’ នាទឹកដីក្រុមបែលហ្ស៊ិក Genk ដោយគិតមកត្រឹមពេលនេះរូបគេរកបានសរុបដល់ទៅ ៨ គ្រាប់ពី ៥ប្រកួតក្នុងវគ្គសន្សំពិន្ទុពូល E។

Related image
Alessandro Del Piero
Related image
Diego Costa

ខ្សែប្រយុទ្ធវ័យទើប ១៩ឆ្នាំរូបនេះ បានជាប់កំណត់ត្រាជាមួយអតីតខ្សែប្រយុទ្ធ Juventus, Alessandro Del Piero និង Diego Costa របស់ Atletico Madrid ក្នុងនាមជាកីឡាករដែលអាចរកគ្រាប់បាល់បានក្នុង ៥ប្រកួតជាប់គ្នានៅពានអឺរ៉ុប។ ក្រុមអូទ្រីស Salzburg នឹងត្រូវប្រឈមមុខជាមួយហង្សក្រហម Liverpool នៅថ្ងៃទី ១០ ខែធ្នូ ហើយអាចមានឪកាសទៅវគ្គ ១៦ក្រុមបានលុះត្រាអាចយក ៣ពិន្ទុបានពីក្រុមអង់គ្លេស។