ជម្រុះ UCL ជុំទី៣៖ Ajax បានត្រឹមស្មើ PAOK ជើងទី១ ​លើទឹកដីក្រិច

332

ក្រុមធ្លាក់នៅវគ្គពាក់កណ្តាលផ្តាច់ព្រ័ត្រ UCL រដូវកាល​មុន Ajax បានត្រឹមស្មើ ២-២ នៅជើងទី១​ក្នុងទឹកដីក្រុម PAOK Thessaloniki របស់ក្រិចនៃវគ្គជម្រុះជុំទី ៣ ពាន UEFA Champions League។

កីឡាករ Hakim Ziyech ស៊ុតឲ្យក្រុមភ្ងៀវនាំមុខនៅនាទីទី ១០’ ប៉ុន្តែ​មុនបញ្ចប់តង់ទី១ក្រុ​មម្ចាស់ផ្ទះ PAOK បានព្យាយាម​វាយសម្រុកដោយអាចវាយបកនាំមុខវិញនៅបានដោយអតីតកីឡាករកាំភ្លើងធំ Arsenal, Chuba Akpom នៅនាទី ៣២’ និងខ្សែការពារ Leo Matos នៅនាទី ៣៩’។

ឈានចូលតង់ទី២​ខ្សែប្រយុទ្ធជើងចាស់ Klaas Jan Huntelaar បានរកគ្រាប់បាល់តាមស្មើវិញឲ្យ Ajax នៅនាទី ៥៧’ ដោយរក្សាលទ្ធផល​រហូតចប់ការប្រកួត។

ក្រុមទាំងពីរនឹងត្រូវជួបគ្នានៅទីក្រុង Amsterdam សម្រាប់ការប្រកួតជើងទី២ នៅសប្តាហ៍ក្រោយ ដោយអ្នកឈ្នះនឹងត្រូវជួបជាមួយក្រុម Qarabag ឫ Apoel Nicosia ដែលកំពុងរង់ចាំលទ្ធផលនៅជើងទី២ដូចគ្នា។

ទស្សនា​វីដេអូ​ហាយឡាយ​

ប្រភព៖ Supersport